Natura 2000 huwa network ta’ żoni protetti li jkopru l-ispeċijiet u l-abitati l-aktar prezzjużi u mhedda tal-Ewropa. Dan tnieda fl-1992 taħt id-Direttiva dwar l-Abitati, bil-għan fit-tul li jiġu protetti l-ispeċijiet u l-abitati l-aktar vulnerabbli u mhedda tal-Ewropa, inklużi s-siti terrestri u marittimi. Iż-żoni ta’ Natura 2000 jikkonsistu f’Żoni ta’ Protezzjoni Speċjali (ŻPS) u f’Żoni Speċjali ta’ Konservazzjoni (ŻSK) b’enfasi fuq il-maniġjar ekoloġika u ekonomika sostenibbli. In-network Natura 2000 huwa meqjus bħala l-akbar grupp koerenti ta’ żoni protetti fid-dinja.
Bħalissa, fil-gżejjer Maltin, hemm 34 sit terrestri (b’xi siti huma miġburin flimkien f’wieħed) u 18-il sit marittimi li jiffurmaw parti min-network Natura 2000. Sal-lum, il-komponent terrestri tan-network tas-siti Natura 2000 fil-Gżejjer Maltin ikopri aktar minn 43.7 kilometri kwadri, madwar 13.8% tal-erja totali tal-art.
L-għadd ta’ speċijiet u abitati protetti f’kull sit ivarja skont il-post tas-sit, il-bijodiversità fir-reġjun, id-deżinjazzjoni li qed tintuża, u l-karatteristiċi li s-sit ikun qiegħed jinħoloq biex jipproteġi.
Flimkien mal-ERA (l-Awtorità għall-Ambjent u r-Riżorsi), entitajiet u eNGOs rilevanti oħra, Ambjent Malta jikkoordina l-eżekuzzjoni tal-Pjanijiet ta’ Maniġjar għas-Siti Terrestri ta’ Natura 2000 fil-Gżejjer Maltin. Barra minn hekk, AM jimmaniġġja u jżomm direttament permezz ta’ Unitajiet speċjalizzati l-Imsaġar tal-Buskett u Kennedy Grove fis-Salini. Dan jinvolvi t-twettiq tal-Għan ta’ Maniġjar u l-Għan Operazzjonali identifikati fl-imsemmija Pjanijiet ta’ Maniġjar. Tali oġġettivi jvarjaw minn sit għall-ieħor u jistgħu jinkludu l-implimentazzjoni ta’ programmi għall-eradikazzjoni ta’ pjanti invażivi u/jew aljeni, l-għassa tas-siti, ir-restawr u/jew l-espansjoni tal-abitati elenkati fid-Direttiva dwar l-Abitati, miżuri għall-prevenzjoni tat-tgħaffiġ, l-installazzjoni ta’ sistemi ta’ sorveljanza, il-monitoraġġ tal-fawna, fost oħrajn.
Ftehimiet ta’ Maniġjar
AM flimkien mal-MEER u l-ERA għandhom għadd ta’ ftehimiet ta’ maniġjar fis-seħħ ma’ eNGOs lokali għall-maniġjar ta’ diversi siti ta’ Natura 2000. Permezz ta’ dawn il-ftehimiet, l-eNGOs jingħataw finanzjament annwali biex jimplimentaw miżuri ta’ konservazzjoni f’konformità mal-Pjanijiet ta’ Maniġjar għas-Siti Terrestri ta’ Natura 2000 f’Malta u f’Għawdex.
AM jipprovdi finanzjament għall-ftehimiet ta’ maniġjar li ġejjin:
Agħfas hawn biex tara mappa virtwali tas-siti terrestri Natura 2000 fil-Gżejjer Maltin:
https://storymaps.arcgis.com/stories/5f15070446a64488b56f2f734e6b09b4
