Id-Direttorat għall-Iżvilupp tan-Negozju huwa responsabbli mill-amministrazzjoni finanzjarja t’Ambjent Malta inklużi l-pjanijiet operattivi u l-finanzjament tagħhom. Dan jinkludi t-taqsimiet tax-xiri (akkwist), iż-żamma tal-kontijiet pubbliċi (kontijiet), il-monitoraġġ tal-istimi finanzjarji (finanzi) u l-maħżen ċentrali tad-dipartiment (imħażen).

L-appoġġ lid-Direttorat tal-Proġetti Ambjentali (Direttorat għall-Proġetti Ambjentali) jingħata minn diversi taqsimiet li jaqgħu taħt dan id-Direttorat fosthom: mastrudaxxi; ħaddieda; bennejja; mekkaniks; sewwieqa ta’ makkinarju tqil; taqsimiet tal-manutenzjoni; trasport; u l-makkinarju kollu fi ħdan Ambjent Malta.

Malta Embellishment Landscaping Projects

Malta Embellishment Landscaping Projects (MELP) hija inkarigata bil-monitoraġġ tax-xogħlijiet imwettqa mill-Kuntrattur tal-Landscaping. MELP tispezzjona u tapprova l-manutenzjoni ta’ rqajja’ ta’ art landscaped li jinsabu f’toroq arterjali u f’ġonna pubbliċi magħżula. MELP hija inkarigata wkoll biex tanalizza u tapprova proġetti u disinji ġodda ta’ landscaping kif ukoll skemi ta’ tħawwil. 

MELP iżżomm inventarju aġġornat li jinkludi ż-żoni tal-irqajja’ t’art, l-għadd ta’ pjanti u l-ispeċijiet kif ukoll il-livelli ta’ tisbiħ kif stabbilit mill-Kuntratt ta’ Landscaping. Il-prenotazzjonijiet għal attivitajiet li jsiru f’ġonna pubbliċi li jaqgħu taħt il-kompetenza t’Ambjent Malta huma ġestiti wkoll minn MELP.

Kwalunkwe mistoqsija tista’ tintbagħat permezz t’email lil [email protected]